Biashara na Ujasiriamali Mafanikio

Namna ya Kuhakiki na Kuchagua Kampuni ya Biashara ya Mtandao ya Kujiunga

Mambo-ya-Kuangalia-Kuchagua-Kampuni-Sahihi-ya-Biashara-ya-Mtandao-ya-Kujiunga

Ili kufanikiwa katika biashara ya mtandao ni muhimu sana kufahamu namna ya kuhakiki na kuchagua kampuni sahihi ya kujiunga na kufanya nayo kazi. Takwimu zinasema kuwa takribani 90% ya wasambazaji wa biashara ya mtandao wanafeli. Mojawapo ya sababu kubwa ni kuchagua kampuni isiyo sahihi zikiwemo sababu nyingine pia nyingi elimu ya biashara ikiwa kama sababu nyingine kubwa ya watu kushindwa katika biashara hii.

Kampuni sahihi  ni ipi?

Ni ile ambayo ina bidhaa bora na yenye manufaa,rahisi kuiuza na kumshirikisha mwingine. Ni kampuni yenye uongozi bora na yenye kutoa malipo mazuri kwa wasambazaji wake na kuwawezesha kuboresha maisha yao kutokana na juhudi zao.

Mambo 4 ya Kuangalia Kuchagua Kampuni Sahihi ya Biashara ya Mtandao

Kuna mambo yapatayo matatu makuu ya kuangalia ili kuchagua kampuni sahihi litakalokupa nafasi kubwa ya kufanikiwa.

  1. Umri wa Kampuni

Je ni muda gani kampuni imekuwa katika biashara hii. Inaaminika kuwa kampuni zilizokaa zaidi ya miaka mitano zinadhihirisha ukomavu katika biashara hiyo na kukupa nafasi kubwa ya ushindi na mafanikio.

Biashara yenye miaka 10 na kuendelea ni thabiti zaidi na ni komavu.

Baadhi ya makampuni yaliyopo Tanzania na umri wake ni:

Ifahamike pia kampuni ikiwa maarufu sana na ni ya muda mrefu inaweza kukupa matokeo hasi kwa kuwa hakuna wateja wapya wa kutosha kwa kuwa wengi wanakuwa wameshaifahamu na wamejiunga tayari au wameamua kutojiunga.

  1. Bidhaa au Huduma Inayotolewa

Biashara sahihi ya mtandao yenye fursa ni lazima iwe na bidhaa au huduma inayohitajika na yenye manufaa kwa watu kama si hivyo kampuni hii si sahihi na ni muhimu kuiepuka.

Ukitaka kujiunga na kampuni yoyote ya mtandao hakikisha unaifahamu bidhaa inayouza na sifa zake zote. Bidhaa yenye kutoa faida kwa watu na yenye uhitaji. Itakuwia vigumu kumshari mtu yeyote unayempenda na kumjali kutumia bidhaa isiyo na manufaa kwake. Kama bidhaa hiyo huwezi kuiuza kwa mama au baba yako, basi hiyo kampuni si sahihi. Na kama ni kinyume chake basi ikimbilie na jiunge mara moja.

  1. Mpango wa Malipo

Kitu kingine cha kuangalia kwa umakini ili kufanikiwa kwa upande wa kipato ni mpango wa malipo unaotumiwa na kampuni.

Ifahamike kuwa dhumuni kuu la yeyote kujiunga na katika biashara ya mtandao ni kupata huduma au bidhaa (matumizi) na kupata kipato cha fedha na hata kujenga utajiri. Sehemu ya pili ya kuongeza kipato inategemea pia mpango wa malipo unaotumika ukiachia bidhaa na uzuri wake.

Angalau mfumo ambao unakuwezesha kukuza timu kwa haraka na kufaidika na timu unayoijenga.

Makampuni mengine yanaweka kikomo cha watu wa kuwaingiza moja kwa moja katika kizazi cha kwanza au kikomo cha vizazi chini yako.

Kampuni lisilikupa kikomo cha watu wa kuwaingiza binafsi ni bora zaidi na linakupa nafasi kubwa ya kufanikiwa kuliko lebye kukupa kikomo.

Kampuni lisilo na kikomo cha idadi ya vizazi chini yako au lenye kuruhusu vizazi vingi zaidi ni nzuri zaidi.

Pia viwango vya malipo vinavyotolewa kwa kuingiza wanachama wapya na kwa manunuzi yako binafsi na manunuzi ya vizazi vyako. Kampuni lenye kutoa viwango vikubwa litakufaa zaidi na kinakupa nafasi ya kufanikiwa kwa haraka sana.

Angalia baadhi ya mipango ya makampuni makubwa Tanzania:

  • GNLD
  • FLP
  • TREVO
  • ORIFLAME
  1. Malipo kwa Wasambazaji

Je kampuni linalipa kwa njia gani na kwa urahisi kiasi gani? Makampuni mengine yanalupa wasambazaji benki na mengine kwa kadi za elekronoki

Makampuni mengine yanalipa kwa mwezi na mengine yanalipa kila wiki au vyote kwa wiki na kwa mwezi.

Hakikisha kampuni unalojiunga linalipa na linalipa kwa wakayi na kwa namna iliyo rahisi kupata fedha zako.

Uluzia wale waliokwisha jiunga kama wanalipwa inavyostahili.

Uchaguzi:

Baada ya kuangalia mambo hayo manne makuu  kwa kampuni husika na kujiridhisha kuwa yamekidhi vigezo basi unaweza kujiunga na hakuna sababu ya kuogopa. Watu wengi wenye kuangalia biashara ya mtandao wamekuwa na hofu kubwa kujiunga. Unatakiwa kuwa na elimu juu ya biashara yoyote duniani kabla hujaifanya na vivyo hivyo kwa biashara ya mtandao.

Kuna fursa kubwa ya mafanikio ya kipato katika biashara ya mtandao. Unatumia nguvu ya umoja katika kufanikiwa badala ya nguvu zako wewe binafsi pekee.

Bila shaka mkala hii itakuwa ya msaada katika kufanya maamuzi ya kampuni ipi itakufaa kujiunga na inayokupa fursa ya mafanikio kifedha pia ukiachia mbali faida unayopata kwa kutumia bidhaa au huduma.

Ukitaka mwongozo zaidi kuhusu biashara ya mtandao na juu ya kuanza;  wasiliana nami kwa simu 0713 514703 | 0765 027402  Baruapepe: florensk@gmail.com

Facebook Comments

Facebook comments

Leave a Comment

2 Comments